CPAEN-NNPEK
Nafarroako Nekazal Produkzio Ekologikoaren Kontseilua
Consejo de la Producción Agraria Ecológica de Navarra
Zer da Nafarroako Nekazaritzako Produkzio Ekologikoaren Kontseilua?
Nekazaritzako eta abeltzaintzako ekoizpen ekologikoa ondoko europar araudiak erregulatzen du: 2018/848 (EE) Erregelamendua. Erregelamendu horretan ezartzen dira ekoizpenaren eta etiketatuaren arauak, eta nola kontrolatu behar diren produktu horiek etxaldetik hasita kontsumitzailearengana iristen diren arte.
NNPEK-Nafarroako Nekazaritzako Produkzio Ekologikoaren Kontseiluak Kontroleko Autoritate bakarraren egitekoak betetzen ditu Nafarroako Foru Komunitatean, bere esku baitaude erregistroa, kontrola, ziurtatzea eta sustatzea, 2018/848 (EE) Erregelamenduan eta haien aldaketetan ezarritakoaren arabera. Hori 1996tik aitzina egiten du, orduan sortu baitzuen Nafarroako Gobernuak NNPEK-Nafarroako Nekazaritzako Produkzio Ekologikoaren Kontseilua, kontrol publikoaren araubide bat ezarri beharrez (617/1999 Foru Dekretua).
Gaur egun 2023/13 Foru Dekretuak arautzen du
KONTSEILUKO KIDEAK
Iciar Ezpeleta Miqueleiz
Raquel Sesma Liñán
Ander Cárcar Echepare
Patxi Antxorena Laurenz
José Pedro Salcedo Soria
Alberto Benito Martínez
Jose Alberto Erburu
Juan Antonio Lezaun
NNPEK-REN EGITEKOAK
- Nafarroako Nekazaritzako Produkzio Ekologikoaren Kontseilua (NNPEK) entitateak, 1996tik aitzina, nekazaritza-jarduera ekologikotik sortutako elikagaiak kontrolatzen ditu, ziurtagiria ematen die eta sustatzen ditu.
- NNPEK-k ekoizleak eta instalazioak ikuskatzen ditu, laginak hartu eta laborategi independenteetan egindako analisiez arduratzen da, produktu bati nekazaritza ekologikotik datorrelako ziurtagiria eman aitzin. Elikagai batek fase hau gainditu beharko du, bere etiketan produkzio ekologikoaren aipamen espezifikoetako bat erakutsi ahal izateko.
- NNPEK-ko auditoreek urtero kontrolatzen dituzte Nafarroako ustiategi ekologiko guztiak.
- NNPEK-k egiten duen beste lanetako bat da elikagai ekologiko hauen kontsumoa zabaldu, indartu eta sustatzea, besteak beste, informazio, prestakuntza, jolas eta publizitate jarduera desberdinak eginez. Sektore honetan oihartzun sozial handienetako bat izan duen ekimenetako bat izan da Nafarroako Azoka Ekologikoa egitea, irailean izaten dena.
- Gainera, NNPEK-k beste webgune bat du (www.navarraecologica.org), Nafarroako elikagai ekologikoen sustapenarekin lotuta dagoen guztia erakusten duena.
